the truth

we make them cry who care for us

we cry for those who never care for us

and we care for those who will never cry for us

this is the truth of life, it's strange but true

once you realize this, it's never too late to change

來遲了。

其實一直有"回到石硤尾走一轉"的念頭，可是因為自己太懶，遲遲未起行，
今日難得補假一天，又得到總司令的提醒，
我決定重踏一次童年時回憶的足跡。

可惜的是.. 原來我來遲了.. 很多令人懷念的地方都已經不存在了..


這是我的幼稚園及小學: 深信學校
她仍然非常美麗。

以前每天上學都要走過的一條小路，現在仍然清楚聽到流水的聲音。


"祥記辦館""合記茶室"都跟以前沒有分別，
我還跟祥記老闆對望了一眼，他一直望著我，不知道他還認得我嗎?? 認得我們三姊弟妹嗎??










經過這麼多年，這個舊區已經正在進行重建，
整個石硤尾現在只剩餘一棟"美荷樓"舊建築，
那這七層的第一代香港公屋，已經全部拆除了..婆婆的老家也不現了..
現在的腦海，只有那些零碎的回憶片段..
對不起，我來遲了，很慚愧。

交換日記 # 08 (in luv wif Okinawa)

Dear A,

我返來啦~
多謝你的生日飯呀~ 真係非常難得呢，我們還有Aska & 海灘 終於可以聚首一堂食個飯，太開心飲多兩杯真係失禮，希望你唔會怪我啦~ haha! ;p



好開心終於達成願望，去到沖繩放一個小小假期，
五日四夜實在是很不夠玩，好後悔沒有多留兩天。

沖繩很會令人容易愛上，碧藍的天和海連成一線，大大朵被陽光照射到發光的浮雲，豐富而柔和的陽光，有東京般繁盛的市區也有舒服悠然的渡假地方，駕著租來的車隨意去個什麼地方下車拍個照，或是去'Lawson'買個野飲，又或是駕車到山頂吃個午飯，寫意到極。



能夠遠離人多繁雜的香港，整個人都放鬆下來，
每個地方都美得像畫一樣，怎樣胡亂拍照都會有水準之作。
之前從沒想過可以在沖繩過生日，很感謝所有為我送上過祝福的每位朋友，今年這個生日非常難忘。
直到今天還是會記掛著沖繩的片段，念念不忘她的美麗。



i love this place!!
Hey Okinawa, i'll be back in someday!! see ya :)



要多謝好彩有你本'沖繩 食玩買終極天書'的我上

交換日記 #07

Dear A,


新髮型幾好啊~ 但點解張相會咁濛呢?? 怕咩醜~ 一向覺得簡單清爽最適合你(襯哂你外表同性格)，千其唔好有一日同我講想留長頭髮，我一定會大大力反對囉~!!

最近天氣真係好反常，另到我都反常埋，真係從來未想過自己可以在開住冷氣的晚上去沖個凍水涼，我是個一年365日都係要開熱水爐沖涼的人，頂多夏天有時在日頭可以沖沖凍水涼，因為日頭太陽會將自來水曬暖，但現在連夜晚都有暖的自來水提供，晚上都有30度的氣溫，簡直是前所未有的酷熱，地球真係好病，相信好快香港就再沒有冬季，以後就再沒有機會著秋冬裝，每次想到這裡個心都會寒一寒，只有背心短褲的人生太可怕了吧!!

撞正出碟的日子當然會好鬼忙，好在這兩個幾月的"死忙期"終於都捱過啦，9月開始會好好多，又可以再繼續計劃我的放假旅行大計，希望可以順利成事啦~ 我真係唔想得個講字!!





可以去睇Khalil的演唱會真係好開心，要多謝華納好同事的安排，我都知門票好難搵，所以我真係好留心去聽每一首歌。更意外的是今天能在工作中再碰上了Khalil，可以親口同佢講句﹕'你個show好正!!' happy happy!! ^^



真心想恭喜千嬅結婚的我上

交換日記 #06

Dear A,

好盡興喔~!!
過去這個週末在澳門一連看了兩場超精彩的演出!!

雖然我不是 lady gaga 的歌迷，但我一直沒有抗拒她的音樂，而且還蠻欣賞她的獨特鮮明形象，覺得樂壇是需要這種愛破格的歌手，這次親身近距離看到她的演出，確實對她加了好多分，很難忘她站在櫈上及爬在鋼琴上自彈自唱的畫面，超爆!!


(photo #1 & 2 by TiNa)



另外當然唔少得 linkin park 啦~!! 本來我沒有預計會睇到這次演出，好在幸運地遇到有朋友多了門票，即刻決定留多一晚睇啦~ 我有買開他們的唱片，尤其非常喜歡 'minutes to midnight'，一直覺得主音 Chester 的聲音好吸引好有風格，這次能聽到他的現場演繹，好震撼!! they're awesome!!!!


(photo by SY)

能夠現場欣賞及享受自己喜歡的音樂，的確是一件幸福的事，你都唔好錯過9月台北的 may day演唱啦!!


心情還未平伏的我上

為食推介 -【川燒】

恭喜恭喜!!

又有朋友榮升老闆進軍飲食業喇!! 好野~ 以後又多個地方成為朋友們的聚腳點了。

【川燒】 - 一間以賣四川串燒為主的串燒店，日本串燒就食得多，川燒跟他們的最大分別是所有燒物都會加上適量辣粉及四川香料孜然粉去燒，令燒出來的食物都充滿一種川辣的特別味道，非常惹味!! 當然如果客人不愛辣的話，他們亦設有鹽燒及蜜糖燒的選擇，對顧客果然相當細心 :)

開張大喜日子，一眾朋友們當然要去撐撐場啦! 我們都試了很多食物，最特別要推介就是他們的海鮮，大蝦龍蝦生蠔元貝白鱔三文魚頭墨魚咀大眼雞樣樣有，而且非常新鮮! 還有自家製燒海鮮棒及超巨型甜粟米，絕對是我的最愛!! (sorrrrry.. 掛住食.. 完全唔記影相.. 唔好打我!!) :p

"串到爆" 個牌坊係咪好得呢?? 係我們幾個朋友一齊送的開張禮物，你睇阿老細幾happy~! haha!!

不設加一，價格實惠，幾個老細又靚仔，晚飯消夜最好選擇! 有興趣就去幫襯下啦~ 做朋友算係咁啦! 你睇我幾鬼hard sell~ ;p

********************************************************

Data: 九龍尖沙咀漆咸道南29-31號，溫莎大廈10-12B地舖

Tel: 2311 8101

營業時間: 1800-0300

交換日記 #05

Dear 花花世界肶,

看了你幾篇天堂北海道日記，看到你每天在風和日麗的天氣下穿梭於七彩繽紛的花間中活潑地擺著kawaii pose影相，我實在是深感極度羨慕，恨不得即刻飛過來再與你於花間中飛舞。

哈哈。

我在地獄這邊就忙到死去活來，差不多兩個星期無時間返公司，日曬雨淋在外面跑跑跑，剛剛先被雨淋到全身濕，仲要係有帶傘都全濕，昨晚八號風球都要去做活動，唉... 都係個句，好想好想好想好想好想去旅行啊~~~ (叫囂中)

你問我最想去的劇集場景?? 暫時應該仲係【悠長假期】木村同山口智子同居的大廈，好記得佢地兩個在2樓玩彈彈波，由2樓投落地下再彈返上去接住，還有山口智子經常在大廈樓下會聽到木村的鋼琴聲，當然唔少得有個大廣告招牌的天台啦! 係佢兩個悄悄話同玩煙花的浪漫地方，真係夠哂經典啊~~~



最近無影到咩特別相啊，就用阿pat近照頂住先啦，你睇佢個樣幾咁衰幾咁唔順超~!! haha!! 不過我都係會咁愛佢~ 閃啦~ ;p



決定食少d KFC的我上